Atyraý oblysynda tumaýǵa qarsy ekpeniń 60 myńǵa jýyq dozasy bar. Bul týraly oblystyq Densaýlyq saqtaý basqarmasynyń basshysy Nurlybek Qabdyqaparov málim etti, dep habarlaidy "Ult aqparat".
Onyń aitýynsha, kún sýytqan kezde koronovirýs infektsiiasy virýstyq aýrýlarmen birge órshýi múmkin. Sol sebepten, sozylmaly aýrýy bar azamattar profilaktika retinde salynatyn tumaýǵa qarsy ekpeni alǵany jón.
«Tumaýǵa qarsy ekpe negizinen sozylmaly aýrýǵa shaldyqqan naýqastarǵa, júkti áielderge, balalar men meditsina qyzmetkerlerine salynady. Qazir oblysta tumaýǵa qarsy ekpeniń 60 myńǵa jýyq dozasy bar. Tumaýǵa qarsy ekpe qazan aiynan bastap salynady. Sonymen birge, qazir difteriia, týberkýlez, pnevmokokk, poliomielit infektsiialaryna jáne taǵy da basqa ekpeler emhanalarda josparly kestege sáikes salyna bastady», - dedi Nurlybek Qabdyqaparov.
