اتىراۋ وبلىسىندا تۇماۋعا قارسى ەكپەنٸڭ 60 مىڭعا جۋىق دوزاسى بار. بۇل تۋرالى وبلىستىق دەنساۋلىق ساقتاۋ باسقارماسىنىڭ باسشىسى نۇرلىبەك قابدىقاپاروۆ مەلٸم ەتتٸ, دەپ حابارلايدى "ۇلت اقپارات".
ونىڭ ايتۋىنشا, كٷن سۋىتقان كەزدە كورونوۆيرۋس ينفەكتسيياسى ۆيرۋستىق اۋرۋلارمەن بٸرگە ٶرشۋٸ مٷمكٸن. سول سەبەپتەن, سوزىلمالى اۋرۋى بار ازاماتتار پروفيلاكتيكا رەتٸندە سالىناتىن تۇماۋعا قارسى ەكپەنٸ العانى جٶن.
«تۇماۋعا قارسى ەكپە نەگٸزٸنەن سوزىلمالى اۋرۋعا شالدىققان ناۋقاستارعا, جٷكتٸ ەيەلدەرگە, بالالار مەن مەديتسينا قىزمەتكەرلەرٸنە سالىنادى. قازٸر وبلىستا تۇماۋعا قارسى ەكپەنٸڭ 60 مىڭعا جۋىق دوزاسى بار. تۇماۋعا قارسى ەكپە قازان ايىنان باستاپ سالىنادى. سونىمەن بٸرگە, قازٸر ديفتەرييا, تۋبەركۋلەز, پنەۆموكوكك, پوليوميەليت ينفەكتسييالارىنا جەنە تاعى دا باسقا ەكپەلەر ەمحانالاردا جوسپارلى كەستەگە سەيكەس سالىنا باستادى», - دەدٸ نۇرلىبەك قابدىقاپاروۆ.
