Foto ©️ Tengrinews.kz / Turar Qazanǵapov
QR AShM Veterinariialyq baqylaý jáne qadaǵalaý komitetiniń Atyraý oblystyq aýmaqtyq inspektsiiasynyń basshysy para aldy degen kúdikke ilindi, - dep habarlaidy Tengrinews.kz tilshisi.
Atyraý oblysy boiynsha Sybailas jemqorlyqqa qarsy qyzmet oblys prokýratýrasynyń úilestirýimen "QR AShM Veterinariialyq baqylaý jáne qadaǵalaý komitetiniń Atyraý oblystyq aýmaqtyq inspektsiiasy" MM basshysyna qatysty sotaldy tergeý júrgizip jatar.
"Ol taýarlardy Qazaqstan Respýblikasy men Resei Federatsiiasy shekaralarynyń shektesken ýchaskesinde Keden odaǵynyń kedendik shekarasy arqyly ótkizý kezinde olardyń zańdy qyzmetin jedel jáne kedergisiz júzege asyrǵany úshin syrtqy ekonomikalyq qyzmetke qatysýshylardan 2 100 000 teńge somasynda para aldy dep kúdiktenedi", - delingen habarlamada.
Tergeý jalǵasyp jatyr. Qylmystyq-protsestik kodeksiniń 201-babyna sáikes ózge aqparat jariialanbaidy.
Konstitýtsiianyń 77-baby 3-tarmaǵynyń 1-tarmaqshasyna jáne Qylmystyq-protsestik kodeksiniń 19-baby 1-bóligine sáikes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deiin árbir adam kinásiz dep esepteledi.
