Atyraý oblysynda Reseimen shekaradaǵy aýyldyń ataýyn ózgertý usynyldy, dep habarlaidy "Ult aqparat".
Reseimen shekaralas Qurmanǵazy aýdanynyń Baida aýyldyq okrýginiń ákimi Júsip Tóreǵalievtyń aitýynsha, bul másele turǵyndar jiynynda qozǵalǵan.
«Eki eldiń shekarasyndaǵy aýylymyz Kotiaev atalady. Aýyl ataýyn ózgertý máselesi turǵyndar arasynda kópten beri kóterilip keledi. Biraq, bul – búginge deiin sheshimin tappaǵan máseleniń biri. Aýyl men okrýgtiń ataýyn ózgertý máselesi qozǵalǵan jiynda ardagerler, qoǵamdyq keńes músheleri men turǵyndar óz usynystaryn ortaǵa saldy» -deidi Júsip Tóreǵaliev.
Onyń aitýynsha, turǵyndardan eki usynys túsken. Onyń birinshici – Kotiaev ataýyn Bókei han dep ózgertip, okrýgtiń ataýyn burynǵysha qaldyrý. Ekinshi usynysta okrýgke de, aýylǵa da qazaqtyń birtýar tulǵasy Bókei hannyń atyn berý aitylǵan.
Eske sala ketelik, buǵan deiin Atyraý oblysynda Reseimen shekaradaǵy aýylda jedel járdem beketi ashylǵanyn jazǵan bolatynbyz.
