Áleýmettik jelide taraǵan videoda dámhana ishinde eki jigit úshinshisin uryp-soǵyp jatyr, dep jazady Sputnik.
Jeli qoldanýshylary bul videoda Qurmanǵazy AIIB basshysynyń orynbasary Jasulan Muqashev pen politsiia maiory Ámirjan Ertaev biyl shilde aiynda Ganiýshkino aýdan ortalyǵynda "Sýshniak" dámhanasynyń iesi Nurseiit Arýovty soqqyǵa jyqqany túsirilgen deidi. Dámhana iesi politseilerden keshki astyń aqysyn suraimyn dep basy bálege qalypty.
Atyraý oblysy politsiia departamenti "Aq Jaiyq" basylymyna habarlaǵandai, videoda shynymen Qurmanǵazy AIIB qyzmetkerleri Muqashev pen Ertaev eken. Olardyń málimetinshe, biznesmen politsiiaǵa birden aryz bergen. Osy derek boiynsha Atyraý oblysy IID jeke qaýipsizdik basqarmasy qylmystyq is qozǵap, Qurmanǵazy aýdandyq sotyna jiberdi.
