Atyraý oblysy Qurmanǵazy aýdandyq sotynda para aldy jáne qyzmettik jalǵandyq jasady baptarymen aiyptalǵan aýyl ákimine, sondai-aq para berdi jáne jalǵan qujat jasady dep aiyptalǵan onyń sybailasyna qatysty úkim shyqty, - dep habarlaidy Tengrinews.kz tilshisi "Moi Gorodqa" silteme jasap.
Sot aýyldyq okrýg ákimi qyzmetin atqaratyn sheneýnik ákim apparatyna tiesili ǵimaratty satýǵa járdemdeskeni jáne JShS direktory jalǵan málimetter engizgen resmi qujattardy tirkeýshi organǵa bergeni úshin JShS direktorynan 800 myń teńge somasynda para alǵanyn anyqtady.
"Sottalýshylar kinásin moiyndap, jedel izdestirý is-sharalarynyń jáne tergeý áreketteriniń nátijeleri, beinefonografiialyq saraptama qorytyndysy, memlekettik aýditordyń qorytyndysy, bank qujattary arqyly dáleldendi", - dedi Qurmanǵazy aýdandyq sotynyń baspasóz qyzmetindegiler.
Sot úkim shyǵarý kezinde eks-ákim múgedek bala asyrap otyrǵanyn, al ekinshi aiyptalýshynyń ata-anasy qart ekenin eskergen. Eki aiyptalýshy da óz kinásyn tolyq moiyndady.
Sot úkimimen burynǵy sheneýnikke 32 million teńge, onyń sybailasyna 16 million teńge kóleminde aiyppul salyndy. Sottalǵandardyń ekeýi de ómir boiyna memlekettik qyzmette jumys isteý quqyǵynan aiyryldy.
Sot úkimi zańdy kúshine engen joq jáne sottalýshylar shaǵymdanýyna bolady.
