t.me/POLICE_of_KZ
Atyraý oblysynda kólik ózenge batyp, eki adam qaitys boldy, - dep habarlaidy "Ult aqparat" IIM baspasóz qyzmetine silteme jasap.
"17 qazanda ýchaskelik politsiia inspektory Jaiyq ózenine baǵyttalǵan avtokólik izi baryn habarlaǵan. Atalǵan habarlama boiynsha Atyraý oblysy Tótenshe jaǵdailar departamentiniń qyzmetkerleri Jaiyq ózenine batyp ketken Niva avtokóligin shyǵardy.
Kólik ishinen 1971 jyly týǵan jáne 1981 jyly týǵan eki er adamnyń denesi tabyldy. Marqumdarda dene jaraqaty anyqtalǵan joq" - delingen habarlamada.
Vedomstvo málimetinshe, beinekameraǵa 16 qazan túngi saǵat 23:18 shamasynda atalǵan avtokóliktiń joǵary jyldamdyqpen Jaiyq ózenine batqany túsip qalǵan.
Qazir sot meditsinalyq saraptamasy taǵaiyndaldy.
