2017 jyly Atyraý oblysynda 36 turǵyn úi, 1977 páter paidalanýǵa berildi. 2018 jyly 3892 páterlik 44 kóp qabatty turǵyn úidiń jobalaý-smetalyq qujattamasy jasaldy. Jeke salýshylar "Nurly jer" baǵdarlamasy boiynsha turǵyn úi qurylysyn júrgizýge belsendi qyzyǵýshylyq tanytýda, bul jobalanǵan turǵyn úi sanynyń artýyna yqpal etip otyr.
Gúlziia Omarova osy baǵdarlamany paidalanýshylardyń biri. Turǵyn úi qunynyń qajet 30% jinaǵan ol bastapqy tólemdi jasap, Nursaia yqshamaýdanynan bir bólmeli páterge qonystandy.
-"Nurly jer" baǵdarlamasy týraly habarlandyrýdy áleýmettik jeliden kórdim. Talaptary kóńilimnen shyqty, ai saiyn úi qunynyń on paiyzyn ǵana tóleimin, qalǵanyn memleket tóleidi, -deidi Gúlziia. -Bankke komissiia tólemderi de joq, qujattar ońai, tez resimdeldi. Buryn páterge qol jetkizý alys arman sekildi kórinetin, qazir qoljetimdi ekenin bildim.
"Nurly jer" ipotekalyq nesieleý baǵdarlamasynan bólek óńirde memleket basshysy usynǵan "7-20-25" baǵdarlamasy boiynsha páter berile bastaidy. Jergilikti atqarýshy bilik aimaqtyń investitsiialyq klimatyn jaqsartý jolynda belsendi jumys júrgizip jatyr. Jyl saiyn Atyraý oblysynda biznes júrgizýge nietti kompaniialar kóbeiip keledi.
Aimaqta kommýnaldyq jáne jalǵa beriletin turǵyn úiler de salynyp jatyr, olar memleketten páter alýǵa quqyly azamattardyń 13 sanaty boiynsha beriledi.
Klara Jumasheva áleýmettik az qamtylǵan otbasy retinde memleketten páter alý kezegine turǵan. Kezegi kelgen soń ol úsh bólmeli páterge qol jetkizip, Naýryz meiramyn óz úiinde qarsylady.
- Jyldar boiy úi jaldap, qinalyp júrdik. Aqsha únemi jetpeitin. Ótken jyly qarasha aiynda kezegimiz jaqyndaǵanyn, páter kilti beriletinin habarlady, - deidi Klara Jumasheva. – Biyl Naýryzdy óz úiimizde qarsy aldyq, qonaq shaqyrdyq, barlyq aǵaiyn-týys bir dastarhan basyna jinaldy.
