2021 jyldyń 1 - 10 qańtary aralyǵynda mobildik toptar 903 reid júrgizip, 3 769 nysandy teksergen, dep habarlaidy "Ult aqparat" QR Úkimeti janyndaǵy Qazaqstanda koronavirýstyń taralýyna jol bermeý jónindegi vedomstvoaralyq komissiianyń Telegram kanalyna silteme jasap.
Kanaldaǵy derekterge qaraǵanda, r eid barysynda sanitariialyq-epidemiologiialyq talaptardy jáne karantin talaptaryn saqtamaý boiynsha 28 zańbuzýshylyq anyqtaldy.
Máselen, Qyzylqoǵa aýdanynda jappai otbasylyq is-sharalardy ótkizýge tyiym salynǵanyna qaramastan, osy ýaqyt aralyǵynda 2 úilený toiy ótkizilgen. Sondai-aq, Atyraý qalasynda Bas memlekettik sanitarlyq dárigeriniń qaýlysyna sáikes qyzmetine tyiym salynǵan «Regionbet» loto klýby kelýshilerdi jasyryn qabyldaǵany anyqtaldy. Sonymen qatar, Jylyoi aýdany, Teńiz vahtalyq qalashyǵynda betperde rejimin saqtamaýdyń 2 faktisi jáne bekitilgen jumys rejimin buzýdyń 1 faktisi tirkeldi. 22 material qaralý ústinde.
Qazirgi tańda, mobildi toptar men jergilikti politsiia departamentinen túsken materialdar boiynsha QR «Ákimshilik quqyq buzýshylyq týraly» Kodeksiniń 425-baby 1-bóligine sáikes jalpy somasy 547 975 teńge kóleminde 6 aiyppul salyndy.
