Atyraý oblysynda mektepke «bomba qoiǵan» jigit qamaýǵa alyndy, dep habarlaidy "Ult aqparat".
Oblystyq politsiia departamenti baspasóz qyzmetiniń málimetine súiensek, keshe, 3 tamyzda 102 operatoryna «Inderbor kentinde ornalasqan mektepterdiń birinde jarylǵysh zat bar» degen habar túsken.
«Politsiia qyzmetkerleri jedel izdestirý is-sharasyn júrgizip, kúdikti adamdy anyqtady. Inder aýdanynyń ortalyǵy – Inderbor kentine qonaqqa kelip, jalǵan aqparat bergen Batys Qazaqstan oblysynyń 29 jastaǵy turǵynyn ustady» -dep habarlady departamenttiń baspasóz qyzmeti.
Qazir jalǵan habar bergen kúdiktige qatysty QR Qylmystyq kodeksiniń 273-babymen tergeý júrgizilip jatyr. Kúdikti ýaqytsha ustaý izoliatoryna qamaýǵa alyndy.
