Sýret: azh.kz
Atyraýda №36 mekteptiń 11-synyp oqýshylary mektep dárethanasynda 10-synyp oqýshysyn urǵan. Mektepte zardap shekken adamǵa jaraqattar aýyr bolǵan soń kásibi dárigerler qajet bolǵan, - dep habarlaidy Tengrinews.kz agenttigi "Aqjaiyq" basylymyna silteme jasap.
"Zardap shekken adam 25 sáýirde saǵat 17.00-de Oblystyq balalar aýrýhanasynyń qabyldaý bólimine tústi. Ol lor bólimine jatqyzyldy. Naýqasqa shuǵyl ota qajet emes ekenine jáne qazir jaq-bet hirýrgiiasy boiynsha maman bolmaýyna bailanysty Batys Qazaqstan oblystyq aýrýhanasynyń mamandaryna jiberý týraly sheshim qabyldandy. Naýqasqa josparly túrde 7-10 kún ishinde ota jasalýy kerek edi. Alaida ata-anasy búgin saǵat 12-de balasyn qolhat jazyp, Oralǵa ushaqpen alyp ketti. Oblystyq balalar aýrýhanasy qazir jaq-bet hirýrgiiasy mamanyn daiarlap jatyr, ol biyl jumysqa kirisýi tiis", – dedi Oblystyq balalar aýrýhanasynyń direktory Nurqabyl Aitmuhambetov.
Atyraý Oblystyq politsiia departamenti osy derek boiynsha QR QK 107-baby ("Densaýlyqqa qasaqana aýyrlyǵy ortasha ziian keltirý") boiynsha sotaldy tergeý júrgizilip jatqanyn habarlady.
"Oqiǵaǵa bailanysty qalanyń bilim bólimi mektepte túsindirý jumystaryn júrgizdi, mektep direktorlary men ákimshiligine tártiptik jaza qoldandy. Oqýshynyń jaǵdaiy baqylaýǵa alyndy", - dedi Qalalyq bilim bóliminiń basshysy Fariza Shańgereeva.
