Atyraý oblysynda malshyny pyshaqtap óltirgen kúdikti qamaýǵa alyndy, dep habarlaidy QazAqparat.
Bul aqparatty oblystyq politsiia departamentiniń baspasóóz qyzmeti rastady. Qandy oqiǵa Jylyoi aýdanynda 26 qańtarda bolǵan.
«Jylyoi aýdanynyndaǵy «Qara mola» qystaǵynda 1983 jylǵy jigit 61 jastaǵy malshyny túngi saǵat 02:30 shamasynda tamaǵynan pyshaqtaǵan. Kúdikti malshyny óziniń «ÝAZ Patriot» avtokóligine salyp alyp, belgisiz baǵytqa shyǵyp ketken. Sol kúni kúdikti ustalyp, QR Qylmystyq-protsestik kodeksiniń 128-babyna aýdandyq politsiia bóliminiń ýaqytsha ustaý izoliatoryna qamaýǵa alyndy», - dep málim etti departamenttiń baspasóz qyzmeti.
Qazir qamaýdaǵy kúdiktige qatysty QR Qylmystyq kodeksiniń 99-babynyń 2-bóliginiń 3,5) tarmaqtarymen (Adam óltirý) sotqa deiingi tergeý júrip jatyr.
