Atyraý oblysynda júrgizýshiniń kóliginen 75 keli bekire tabyldy, dep habarlaidy "Ult aqparat".
Politsiia qyzmetkerleri «Bekire» aldyn alý is-sharasy kezinde Saryózek aýylynyń tusynda «Lada Priora» avtokóligin toqtatqan.
«Isatai aýdanynyń 48 jastaǵy turǵyny basqarǵan kólikten jalpy salmaǵy 75 keli 600 gramm bekire tuqymdas balyq tabyldy. Iri kólemdegi balyqtyń júrgizýshige, álde kólikte otyrǵan 28 jastaǵy azamatshaǵa tesili ekeni anyqtaldy. Atalǵan derekke qatysty QR Qylmystyq kodekstiń 339-babynyń 1-bóligimen sotqa deiingi tekserý júrgizilip jatyr», - dep habarlady oblystyq politsiia departamentiniń baspasóz qyzmeti.
Baspasóz qyzmetiniń málimetinshe, 10 qyrkúiekten beri 105 quqyq buzýshylyq, onyӊ ishinde 102 zaӊsyz balyq aýlaý, 3 balyq ónimderin tasymaldaý faktileri anyqtalǵan. Sondai-aq, 109 quqyq buzýshy ustalǵan. Zańsyz ainalymnan 1 tonna 734 keli balyq, onyӊ 1 tonna 95 keli bekire tuqymdas balyǵy, 2 keli qara ýyldyryq tárkilengen.
