Atyraý oblysynda marihýana jetkizýmen jáne ony oblys aýmaǵynda ótkizýmen ainalysqan uiymdasqan qylmystyq top anyqtaldy, - dep habarlaidy Tengrinews.kz agenttigi polisia.kz saityna silteme jasap.
Arnaiy qurylǵan jedel tergeý toby bes aidan beri qylmystyq toptyń uiymdastyrýshysy men múshelerine qatysty jedel tekseris júrgizgen. QR IIM Esirtki qylmysyna qarsy is-qimyl departamenti bastyǵynyń mindetin atqarýshy Asqar Muhametqalievtiń aitýynsha, qylmystyq toptyń qyzmeti naqty jolǵa qoiylǵan.
Toptyń uiymdastyrýshysy - Qyzylorda oblysynyń turǵyny. Ol Shymkent-Atyraý baǵytyndaǵy avtobýstar arqyly marihýana jetkizýmen ainalysqan. Toptyń basqa músheleri onyń nusqaýlaryn oryndap, taýardy qarsy alyp, belgili bir jerde saqtaǵan. Sodan keiin meken jailarǵa taratyp, esirtkini satýdan túsken aqshany jinap, kartaǵa aýdaryp otyrǵan.
Bul áreketten túsken tabys alty million teńgeden asqan. Al top músheleri - Qyzylorda, Qaraǵandy jáne Atyraý oblystarynyń týmalary.
Osy derekke qatysty QR QK-niń 262-baby "Uiymdasqan top, qylmystyq uiym qurý jáne oǵan basshylyq etý, sol siiaqty olarǵa qatysý" boiynsha sotaldy tergeý bastaldy. Toptyń uiymdastyrýshylary men qatysýshylarynyń múlki tárkilenip, 12 jylǵa deiin bas bostandyǵynan aiyrylýy múmkin.
