Atyraý oblysynda byltyr qorshaǵan ortaǵa 1 mlrd 15 mln teńgeniń zalaly kelgen, dep habarlaidy QazAqparat.
Oblystyq ekologiia departamentiniń basshysy Álibek Bekmuhametovtiń málimetinshe, atmosferalyq aýany lastaýshylar qatarynda munai óńdeý zaýyty men munai óndirýshi kásiporyndar bar. Sondai-aq, «Týhlaia balka», «Kvadrat» býlaný alańdary men qatty turmystyq qaldyqtar alańy qorshaǵan ortany lastaýshylar qataryna kirgen.
«Byltyr jospardan tys 52 tekserý júrgizildi. Ekologiia zańnamasynyń talaptaryn buzǵan 177 derek anyqtaldy. Qorshaǵan ortaǵa keltirilgen zalaldyń kólemi 1 mlrd 15 mln 750 myń teńgeni qurady. Sot sheshimimen «SAT Trans Service» JShS-niń qaldyqtardy basqarý kesheniniń jumysy toqtatyldy. «Bazis Constructtion» JShS-niń sýdy ýaqytsha demineralizatsiialaý qondyrǵysyn, «KSS» JShS-ne qondyrǵylardy paidalanýǵa tyiym salyndy. Sot sheshimderi zańdy kúshine endi», - dep málim etti Álibek Bekmuhametov.
