Atyraý oblysynda kópbalaly áieldi pyshaqtap óltirgen jigit 10 jylǵa sottaldy. Qaitys bolǵan áieldiń artyndy 7 balasy qalǵan, dep habarlaidy QazAqparat.
Atyraý oblysynyń qylmystyq ister jónindegi mamandandyrylǵan aýdanaralyq sotynda adam óltirý deregine qatysty qylmystyq is qaraldy. Sottalýshyǵa QR Qylmystyq kodesiniń 99-babynyń 1-bóligimen aiyp taǵylǵan.
«2021 jyldyń naýryz aiynda sottalýshy Z. jábirlenýshi A.-nyń ótinishi boiynsha óz atyna bankterden birneshe ret nesie rásimdegen. Jábirlenýshi nesieni ózi óteitinine ýáde bergen. Alaida, keiin ol nesielerdi tóleýden múldem bas tartyp, taraptar arasynda kelispeýshilik týyndaǵan. Qarasha aiynda sottalýshy jábirlenýshimen kezdesip, oǵan pyshaqpen birneshe ret soqqy jasap, oqiǵa ornynan qashyp ketken. Alǵan aýyr dene jaraqattary saldarynan jábirlenýshi sol jerde qaitys bolǵan. Basty sot talqylaýynda sottalýshy Z. kinásin tolyq moiyndap, jasaǵan áreketine ókindi», -dep habarlady oblystyq sottyń baspasóz qyzmeti.
Sottalýshynyń kinási tiisti aiǵaqtarmen, sondai-aq, saraptama qorytyndylarymen jáne beinejazbalarmen dálelin tapqan. Prokýror sottalýshyǵa 10 jylǵa bas bostandyǵynan aiyrý túrindegi jaza taǵaiyndaýdy surady.
«Sot úkimin shyǵarý kezinde jazany aýyrlatatyn mán-jailar anyqtalǵan joq. Jazany jeńildetetin mán-jailar retinde sottalýshynyń ókinýi, óz erkimen kelýi, otbasylyq jaǵdaiy tanyldy. Sot sottalýshy Z.-ny QR Qylmystyq kodeksiniń 99-babynyń 1-bóligimen kináli dep tanyp, oǵan 10 jyl bas bostandyǵynan aiyrý túrindegi jazany taǵaiyndady», -dep málim etti sottyń baspasóz qyzmeti.
Sot úkimi zańdy kúshine engen joq.
