Foto: azh.kz
Atyraý oblysy Qulsary qalasynda eki apta buryn joǵalǵan 15 jastaǵy Juldyzai Musaǵalieva Aqtóbeden tabyldy, - dep habarlaidy Ult.kz «Aq Jaiyqqa» silteme jasap.
Jylyoi aýdandyq politsiia bóliminiń baspasóz qyzmetiniń málimetinshe, jasóspirim Jylyoi aýdany politsiia qyzmetkerleri men Aqtóbe oblysy politseileriniń birlesken jedel-izdestirý is-sharalarynyń nátijesinde tabylǵan.
"Qazir kámeletke tolmaǵannyń ómiri men densaýlyǵyna eshqandai qaýip joq. Bul derek boiynsha qajet tekseris júrgizilip jatyr", - dedi politsiia ókilderi.
Zello Poisk volonterleriniń aitýynsha, qyzdy politsiia qyzmetkerleri saýda-oiyn-saýyq ortalyǵynda tapqan. Quqyq qorǵaýshylar izdeýge kómektesken barlyq azamatqa alǵys aityp, ata-analardy balalardyń qaýipsizdigine erekshe mán berip, olardyń qaida júrgenin baqylaýǵa shaqyrdy.
Jasóspirim 24 qazanda shamamen 22:00-de úiden shyǵyp ketken. Aldymen ol Qulsarydan Atyraýǵa, keiin Aqtóbege baǵyt alǵan. Juldyzaidyń keiingi ret Aqtóbede avtovokzal mańynda kóringeni belgili boldy. Tanysyna ol osy qalaǵa kóshýdi josparlap júrgenin aitqan.
