Atyraý oblysynda «Bekire-2021» balyq qorǵaý aktsiiasy aiasyndaǵy reid kezinde qamys arasyna jasyrylǵan úsh júrdek qaiyq tárkilendi, dep habarlaidy "Ult aqparat".
Atyraý oblysynda 18 mamyrda quramynda balyq qorǵaý, politsiia, shekara qyzmeti, tabiǵat qorǵaý prokýratýrasynyń qyzmetkerleri bar mobildi top reidtik is-shara ótkizdi. Is-shara kezinde Kaspii teńiziniń soltústik bóliginiń jaǵalaýyndaǵy Isatai aýdanynyń Janbai, Zineden eldi mekenderi qamtyldy. Reidke tikushaq pen jyldam júretin katerler jumyldyryldy.
«Teńizge taiaý ornalasqan Janbai aýylynyń mańyndaǵy qamys arasynan tabylǵan
«Iamaha-200» aspaly motory bar «Baida» úlgisindegi úsh júrdek qaiyq tárkilenip,
Atyraý qalasyndaǵy aiyp turaǵyna jetkizildi. Atalǵan derekke qatysty politsiia qyzmetkerleri QR Ákimshilik quqyqbuzýshylyq týraly Kodeksiniń 512-babymen
(Qazaqstan Respýblikasynyń aýmaqtyq sýlarynyń (teńiziniń) jáne ishki sýlarynyń
rejimderin buzý) ákimshilik hattama toltyrdy. Jinaqtalǵan is-qujattary júzý quraldarynyń ielerin anyqtaý úshin kóliktik baqylaý inspektsiiasyna jiberildi» - dep habarlady Balyq sharýashylyǵy komitetiniń baspasóz qyzmeti.
Osy kezge deiin Atyraý, Mańǵystaý jáne Batys Qazaqstan oblystarynyń aýmaǵynda balyq qorǵaý aktsiiasy aiasynda 1000-nan astam quqyq buzýshylyq anyqtalǵan. Al, zańsyz ainalymnan 30 tonnadan astam balyq, onyń ishinde 4,5 tonnadan astam bekire tuqymdas balyq túrleri alynǵan. Quqyq buzýshyardan 3,5 myń túrli aýlaý, sondai-aq, 80 júzý jáne kólik quraly tárkilengen.
