Foto: Atyraý oblysy TJD
Atyraý oblysynda iz-túzsiz joǵalǵan 1 qańtardan beri tabylmai jatyr. Ol Resei Federatsiiasymen shekaradaǵy aýylda joǵalyp ketken, dep habarlaidy QazAqparat.
Oblystyq tótenshe jaǵdailar departamentiniń qoǵammen bailanys tobynan málim etkendei, Qurmanǵazy aýdanyndaǵy Kóptoǵai selolyq okrýginiń turǵyny úiinen shyǵyp ketip, qaita oralmaǵan.
«Bul selolyq okrýg Qurmanǵazy aýdandyq tótenshe jaǵdailar bólimine qarasty №7 órt sóndirý bóliminen 60 shaqyrym qashyqtyqta ornalasqan. Soǵan qaramastan, atalǵan bólimniń qutqarýshylary 2023 jyldyń 1 qańtar kúni úiinen belgisiz baǵytqa shyǵyp, qaita oralmaǵan 1972 jylǵy er adamdy izdestirip jatyr», - dep habarlady departamenttiń qoǵammen bailanys tobynan.
Atyraý oblysynyń Resei Federatsiiasymen shekarasyndaǵy aýyldan iz-túzsiz joǵalyp ketken turǵyndy izdestirýge 9 adam men 2 tehnika tartylǵan. Onyń ishinde tótenshe jaǵdailar bóliminiń 7, aýdandyq politsiia bóliminiń 2 qyzmetkeri bar. Sondai-aq izdestirý jumystaryna jergilikti atqarýshy organ men aýyl turǵyndary da kómek kórsetip jatyr.
