Atyraý oblysynda garajdaǵy eki kólik órtenip, sheteldik azamatty kúiik shaldy, dep habarlaidy QazAqparat.
Oblystyq tótenshe jaǵdailar departamenti baspasóz qyzmetiniń málimetine qaraǵanda, órt keshe, 4 qazanda Qurmanǵazy aýdanynda bolǵan.
Qurmanǵazy aýdanyndaǵy №7 órt sóndirý bólimine saǵat 13:46-da Qurmanǵazy aýylynyń Jeruiyq kóshesinde ornalasqan turǵyn úidiń janyp jatqany týraly habar tústi. Órt sóndirýshiler oqiǵa ornyna saǵat 13:50-de jetti.
Sol kezde jalpy aýdany 150 sharshy metr bolatyn ýaqytsha turǵyn úi men oǵan japsarlas salynǵan garajdyń tóbe jabyndysy janyp jatqany anyqtaldy.
Jalyn saldarynan garajdyń ishinde turǵan «Toyota Ipsum» jáne «VAZ-2114» markaly eki avtokólik tolyqtai janyp ketti.
Órt sóndirýshilerdiń jedel áreket etýiniń nátijesinde ýaqytsha turǵyn úidiń ári qarai órtenýine jol berilmedi.
«Órt saǵat 14:33-te oqshaýlanyp, saǵat 14:36-da tolyqtai joiyldy. Órt kezinde Ózbekstan Respýblikasynyń azamaty, Horezm qalasynyń 1989 jylǵy turǵyny II-dárejeli, 8-20% termiialyq kúiik jaraqatyn alyp, aýdandyq ortalyq aýrýhananyń hirýrgiia bólimine em alýǵa jatqyzyldy»,-dep habarlady departamenttiń baspasóz qyzmeti.
Jalyndy sóndirýge Qurmanǵazy aýdandyq №7 órt sóndirý bóliminen 12 qyzmetker men 2 tehnika jumyldyryldy. Qazir órttiń shyǵý sebebi anyqtalýda.
