Atyraý oblysynda balyqshylar erekshe balyq aýlady. Qabyrshaǵy joq jylan tárizdi deneniń qorqynyshty aýzy bar, - dep habarlaidy Tengrinews.kz tilshisi ATPress.kz saityna silteme jasap.
Basylymnyń málimetinshe, mundai balyqtardy Qurmanǵazy aýdanynda buryn-sońdy eshkim kórmegen. Ol joiylyp bara jatqan balyq túrine jatady, "Qyzyl kitapqa" engizilgen.
"Aramyzdaǵy bir balyqshy ózennen eski etik taýyp alyp, osy qoqysty shyǵarǵysy keldi, balyqtar sonyń ishinen shyqty. Basynda jylan dep oiladyq, biraq muqiiat qaraǵasyn jylan tárizdi balyq ekenin túsindik. Birnesheýi túsip ketti. Ózennen mundai balyqty eshqashan kórgen emespiz. Google-den qarap, bul minoga ekenin bildik. Ýikipediiadan ol týraly kóp aqparat aldyq. Bul balyq, negizinen Reseide, Finliandiiada, Latviiada, Shvetsiiada, Estoniiada kezdesedi eken", - deidi tájiribesi kóp ári áýesqoi balyqshy Dmitrii Sokolinskii.
Balyq aǵysy birqalypty, tynysh jerlerdi jaqsy kóretini anyqtaldy. Ózen minogasy taza sýda ómir súrýdi jón kóredi, sondyqtan bul - sýdyń ekologiialyq jaǵdaiynyń kórsetkishi. Ol ómir boiy ózende tirshilik etedi. Onyń mekendeitin jeri - kishkentai ózender. Balyqtar únemi laiǵa jasyrynyp turady. 5-6 jyldan keiin metamorfozǵa bailanysty dernásilden eresegi túziledi. Onyń uzyndyǵy 10-nan 100 santimetrge deiin bolady. Ol adamǵa eshqandai qaýip tóndirmeidi. Onyń ústine, balyq jeýge jaramdy, biraq túrine qarap eshkim bul qadamǵa bara qoimas.
