اتىراۋ وبلىسىندا بالىقشىلار ەرەكشە بالىق اۋلادى. قابىرشاعى جوق جىلان تەرٸزدٸ دەنەنٸڭ قورقىنىشتى اۋزى بار, - دەپ حابارلايدى Tengrinews.kz تٸلشٸسٸ ATPress.kz سايتىنا سٸلتەمە جاساپ.
باسىلىمنىڭ مەلٸمەتٸنشە, مۇنداي بالىقتاردى قۇرمانعازى اۋدانىندا بۇرىن-سوڭدى ەشكٸم كٶرمەگەن. ول جويىلىپ بارا جاتقان بالىق تٷرٸنە جاتادى, "قىزىل كٸتاپقا" ەنگٸزٸلگەن.
"ارامىزداعى بٸر بالىقشى ٶزەننەن ەسكٸ ەتٸك تاۋىپ الىپ, وسى قوقىستى شىعارعىسى كەلدٸ, بالىقتار سونىڭ ٸشٸنەن شىقتى. باسىندا جىلان دەپ ويلادىق, بٸراق مۇقييات قاراعاسىن جىلان تەرٸزدٸ بالىق ەكەنٸن تٷسٸندٸك. بٸرنەشەۋٸ تٷسٸپ كەتتٸ. ٶزەننەن مۇنداي بالىقتى ەشقاشان كٶرگەن ەمەسپٸز. Google-دەن قاراپ, بۇل مينوگا ەكەنٸن بٸلدٸك. ۋيكيپەدييادان ول تۋرالى كٶپ اقپارات الدىق. بۇل بالىق, نەگٸزٸنەن رەسەيدە, فينلياندييادا, لاتۆييادا, شۆەتسييادا, ەستونييادا كەزدەسەدٸ ەكەن", - دەيدٸ تەجٸريبەسٸ كٶپ ەرٸ ەۋەسقوي بالىقشى دميتريي سوكولينسكيي.
بالىق اعىسى بٸرقالىپتى, تىنىش جەرلەردٸ جاقسى كٶرەتٸنٸ انىقتالدى. ٶزەن مينوگاسى تازا سۋدا ٶمٸر سٷرۋدٸ جٶن كٶرەدٸ, سوندىقتان بۇل - سۋدىڭ ەكولوگييالىق جاعدايىنىڭ كٶرسەتكٸشٸ. ول ٶمٸر بويى ٶزەندە تٸرشٸلٸك ەتەدٸ. ونىڭ مەكەندەيتٸن جەرٸ - كٸشكەنتاي ٶزەندەر. بالىقتار ٷنەمٸ لايعا جاسىرىنىپ تۇرادى. 5-6 جىلدان كەيٸن مەتامورفوزعا بايلانىستى دەرنەسٸلدەن ەرەسەگٸ تٷزٸلەدٸ. ونىڭ ۇزىندىعى 10-نان 100 سانتيمەترگە دەيٸن بولادى. ول ادامعا ەشقانداي قاۋٸپ تٶندٸرمەيدٸ. ونىڭ ٷستٸنە, بالىق جەۋگە جارامدى, بٸراق تٷرٸنە قاراپ ەشكٸم بۇل قادامعا بارا قويماس.
