Atyraý oblysynda "Aziia TEG" jáne "Evro-Aziia TEMP" JShS direktoryna qatysty isti tergeý aiaqtaldy, - dep habarlaidy "Ult aqparat" Qarjy monitoringi agenttigi málimetine silteme jasap.
QMA Atyraý oblysy boiynsha departamenti "Aziia TEG" jáne "Evro-Aziia TEMP" JShS direktoryna qatysty isti tergeýdi aiaqtady.
"JShS basshysy 2021 jyly Jylyoi aýdanynyń aýmaǵynan qujattarsyz 3 myń tonna dizel otynyn satyp alyp, ony Mańǵystaý oblysyna tasymaldap, barlyǵy 796,5 million teńgege ótkizip, zańsyz paida túsirgen. Sonymen qatar, atalǵan tulǵa "Evro-Aziia TEMP" JShS-niń direktory bola tura, 2021 jyly Jylyoi aýdanynyń aýmaǵynan qujattarsyz 3 myńǵa jýyq tonna dizel otynyn satyp alyp, ony Mańǵystaý oblysyna tasymaldap, barlyǵy 990 million teńgege ótkizip, zańsyz paida túsirgen", - delingen habarlamada.
Sot úkimi boiynsha, JShS basshysy kináli dep tanylyp, úsh jylǵa bas bostandyǵynan aiyrý jazasy taǵaiyndalǵan. "Raqymshylyq jasaý týraly" QR Zańy negizinde úsh jyl merzimge bas bostandyǵynan aiyrý jazasy úshten bir bóligine qysqartylyp, túpkilikti eki jyl merzimge bas bostandyǵynan aiyrý jazasy taǵaiyndalǵan.
