Foto: Maksat Shagyrbaev/ Kazinform
Atyraý oblysynda asa qaýipti mal aýrýynyń úsh oshaǵy anyqtalǵan. Aýrý oshaqtary Inder men Qurmanǵazy aýdanynan tabylǵan, - dep habarlaidy «Ult aqparat» Kazinform-ǵa silteme jasap.
Atyraý oblystyq aýyl sharýashylyǵy jáne jer qatynastary basqarmasynyń basshysy Amangeldi Salamattyń aitýynsha, asa qaýipti aýrý oshaqtarynda shekteý jáne karantin sharalary belgilengen. Soǵan sáikes tiisti jumystar atqarylǵan.
«Biyl bekitilgen josparǵa sáikes óńirdegi tórt túlikke asa qaýipti 11 túrli aýrýǵa qarsy 3 mln 551 myń 758 doza vaktsina egildi. Brýtsellez aýrýyna bailanysty 1 mln 50 myń 940 qan synamasy alyndy. Synama qorytyndysymen anyqtalǵan aýrý mal ielerine jergilikti biýdjet esebinen tiisti ótemaqy tólendi», - dedi Amangeldi Salamat.
Onyń aitýyna qaraǵanda, oblys aýmaǵynda sońǵy úsh jylda ýly qaraqurt kóbeigen. Qaraqurttan tórt túlik, onyń ishinde túie kóp zardap shekken.
«Maýsym-shilde ailarynda 485 túieni qaraqurt shaqty. Sonyń saldarynan 90 túie óldi. Al, 306 túie simptomatikalyq emdeýden keiin saýyqty. Qazir 89 túiege emdeý sharalary júrgizilip jatyr. Ólgen mal ielerine 65 mln teńgeden astam shyǵyn keltirildi. Atalǵan jaǵdai jyl saiyn kóbeiip, mal ieleri tarapynan alańdaýshylyq týyndap otyr», - dep málim etti Amangeldi Salamat.
Eske sala ketelik, buǵan deiin Atyraý oblysynda qaraqurt shaqqan 485 túieniń toqsany ólgenin habarlaǵanbyz.
