Atyraý oblysynda 2020-2025 jyldar aralyǵynda 7 mln aǵash otyrǵyzylady. Bul týraly Úkimet otyrysynda Atyraý oblysy ákimi Mahambet Dosmuhambetov aitty, dep habarlaidy "Ult aqparat".
«Atyraý oblysynyń memlekettik orman qorynyń kólemi – 52 400 gektar. Onyń ishinde ormandy alqap – 15 100 gektar. Orman alqaptary neziginen Jaiyq ózeni men Edil ózeni qiǵashynyń boiynda ornalasqan. QR Ekologiia, geologiia jáne tabiǵi resýrstar ministrligimen birlese jasaqtalǵan ormandardy molyqtyrý jáne orman ósirý kólemin ulǵaitýǵa qatysty qadamdyq jospar boiynsha oblysta 2 800 gektar orman alqabynda 2020-2025 jyldary aralyǵynda barlyǵy 7 mln-nan astam aǵash kóshetterin otyrǵyzý josparlanǵan», - deidi Atyraý oblysy ákimi Mahambet Dosmuhambetov.
Onyń aitýynsha, Jaiyq ózeni boiyndaǵy toǵailardy qalpyna keltirý, jaiylma alqaptardy jasyl jelekpen kómkerý Atyraý óńiriniń ekologiialyq ahýalyn jaqsartýǵa oń áserin tigizedi.
«Qazir mejelengen josparǵa sáikes, árbir orman sharýashylyǵy mekemesi kóshet egiletin ýchaskeler men aǵash túrleri anyqtalyp, naqty jospar jasaldy. Mundai aýqymdy jumystardy atqarý orman sharýashylyǵy mekemeleriniń materialdyq, tehnikalyq jaraqtandyrý deńgeiine bailanysty ekeni sózsiz. Sońǵy 3 jyl ishinde jergilikti biýdjetten 427 mln teńgege 3 orman mekemesi quramyna mashina, traktor parki, órt sóndirý stantsiialary, jumys kestesi bar keshender, 2 órt baqylaý munaralary salynyp, paidalanýǵa berildi. Sondai-aq, orman mekemelerin jaratqandyrýǵa jergilikti biýdjetten 206 mln teńge bólindi. Al 2020-2025 jyldarǵa arnalǵan qadamdyq jospar kórsetkishterin oryndaýǵa qajetti qarjy kólemi – 769 mln teńgeni quraidy», - deidi ol.
