اتىراۋ وبلىسىندا 2020-2025 جىلدار ارالىعىندا 7 ملن اعاش وتىرعىزىلادى. بۇل تۋرالى ٷكٸمەت وتىرىسىندا اتىراۋ وبلىسى ەكٸمٸ ماحامبەت دوسمۇحامبەتوۆ ايتتى, دەپ حابارلايدى "ۇلت اقپارات".
«اتىراۋ وبلىسىنىڭ مەملەكەتتٸك ورمان قورىنىڭ كٶلەمٸ – 52 400 گەكتار. ونىڭ ٸشٸندە ورماندى القاپ – 15 100 گەكتار. ورمان القاپتارى نەزٸگٸنەن جايىق ٶزەنٸ مەن ەدٸل ٶزەنٸ قيعاشىنىڭ بويىندا ورنالاسقان. قر ەكولوگييا, گەولوگييا جەنە تابيعي رەسۋرستار مينيسترلٸگٸمەن بٸرلەسە جاساقتالعان ورمانداردى مولىقتىرۋ جەنە ورمان ٶسٸرۋ كٶلەمٸن ۇلعايتۋعا قاتىستى قادامدىق جوسپار بويىنشا وبلىستا 2 800 گەكتار ورمان القابىندا 2020-2025 جىلدارى ارالىعىندا بارلىعى 7 ملن-نان استام اعاش كٶشەتتەرٸن وتىرعىزۋ جوسپارلانعان», - دەيدٸ اتىراۋ وبلىسى ەكٸمٸ ماحامبەت دوسمۇحامبەتوۆ.
ونىڭ ايتۋىنشا, جايىق ٶزەنٸ بويىنداعى توعايلاردى قالپىنا كەلتٸرۋ, جايىلما القاپتاردى جاسىل جەلەكپەن كٶمكەرۋ اتىراۋ ٶڭٸرٸنٸڭ ەكولوگييالىق احۋالىن جاقسارتۋعا وڭ ەسەرٸن تيگٸزەدٸ.
«قازٸر مەجەلەنگەن جوسپارعا سەيكەس, ەربٸر ورمان شارۋاشىلىعى مەكەمەسٸ كٶشەت ەگٸلەتٸن ۋچاسكەلەر مەن اعاش تٷرلەرٸ انىقتالىپ, ناقتى جوسپار جاسالدى. مۇنداي اۋقىمدى جۇمىستاردى اتقارۋ ورمان شارۋاشىلىعى مەكەمەلەرٸنٸڭ ماتەريالدىق, تەحنيكالىق جاراقتاندىرۋ دەڭگەيٸنە بايلانىستى ەكەنٸ سٶزسٸز. سوڭعى 3 جىل ٸشٸندە جەرگٸلٸكتٸ بيۋدجەتتەن 427 ملن تەڭگەگە 3 ورمان مەكەمەسٸ قۇرامىنا ماشينا, تراكتور پاركٸ, ٶرت سٶندٸرۋ ستانتسييالارى, جۇمىس كەستەسٸ بار كەشەندەر, 2 ٶرت باقىلاۋ مۇنارالارى سالىنىپ, پايدالانۋعا بەرٸلدٸ. سونداي-اق, ورمان مەكەمەلەرٸن جاراتقاندىرۋعا جەرگٸلٸكتٸ بيۋدجەتتەن 206 ملن تەڭگە بٶلٸندٸ. ال 2020-2025 جىلدارعا ارنالعان قادامدىق جوسپار كٶرسەتكٸشتەرٸن ورىنداۋعا قاجەتتٸ قارجى كٶلەمٸ – 769 ملن تەڭگەنٸ قۇرايدى», - دەيدٸ ول.
