Atyraý oblysynda 100 mln teńgeden astam aliment bereshegi óteldi, dep habarlaidy QazAqparat.
«Atyraý oblysynda prokýrorlyq is-sharalardyń nátijesinde alimentke qaryzy bar jumyssyzdardyń sany azaiyp keledi. Olar jumysqa tartylýda. Bir jyl ishinde bul kórsetkish 2,5 myń adamnan 742-ge deiin tómendedi. Barlyǵy 100 mln teńgeden astam aliment bereshegi tólendi», - deidi Atyraý oblysy prokýrorynyń aǵa kómekshisi Qanat Qabdolov.
Onyń aitýynsha, qasaqana aliment tólemei kelgen azamattar qylmystyq jaýapkershilikke tartylyp jatyr.
«Qurmanǵazy aýdandyq prokýratýrasy 1,9 mln teńge aliment qaryzy bar boryshker A. Ryspaevqa qatysty sotqa deiingi tergeý júrgizdi. Aýdandyq sot Ryspaevtyń bas bostandyǵyn 1 jylǵa shekteý týraly úkim shyǵardy. Al taǵy bir boryshker N. Ajbenov QR QK 139-baby boiynsha qylmystyq jaýapqa tartyldy. Ol búginde 400 myń teńge qaryzyn ótep úlgergen», - deidi Qanat Qabdolov.
