اتىراۋ وبلىسىندا 100 ملن تەڭگەدەن استام اليمەنت بەرەشەگٸ ٶتەلدٸ, دەپ حابارلايدى قازاقپارات.
«اتىراۋ وبلىسىندا پروكۋرورلىق ٸس-شارالاردىڭ نەتيجەسٸندە اليمەنتكە قارىزى بار جۇمىسسىزداردىڭ سانى ازايىپ كەلەدٸ. ولار جۇمىسقا تارتىلۋدا. بٸر جىل ٸشٸندە بۇل كٶرسەتكٸش 2,5 مىڭ ادامنان 742-گە دەيٸن تٶمەندەدٸ. بارلىعى 100 ملن تەڭگەدەن استام اليمەنت بەرەشەگٸ تٶلەندٸ», - دەيدٸ اتىراۋ وبلىسى پروكۋرورىنىڭ اعا كٶمەكشٸسٸ قانات قابدولوۆ.
ونىڭ ايتۋىنشا, قاساقانا اليمەنت تٶلەمەي كەلگەن ازاماتتار قىلمىستىق جاۋاپكەرشٸلٸككە تارتىلىپ جاتىر.
«قۇرمانعازى اۋداندىق پروكۋراتۋراسى 1,9 ملن تەڭگە اليمەنت قارىزى بار بورىشكەر ا. رىسپاەۆقا قاتىستى سوتقا دەيٸنگٸ تەرگەۋ جٷرگٸزدٸ. اۋداندىق سوت رىسپاەۆتىڭ باس بوستاندىعىن 1 جىلعا شەكتەۋ تۋرالى ٷكٸم شىعاردى. ال تاعى بٸر بورىشكەر ن. اجبەنوۆ قر قك 139-بابى بويىنشا قىلمىستىق جاۋاپقا تارتىلدى. ول بٷگٸندە 400 مىڭ تەڭگە قارىزىن ٶتەپ ٷلگەرگەن», - دەيدٸ قانات قابدولوۆ.
