Qazaqstan Respýblikasynyń Prezidenti Qasym-Jomart Toqaevtyń Jarlyǵymen Atyraý oblysyna jańa ákim taǵaiyndaldy. Bul týraly Aqordanyń baspasóz qyzmeti habarlaidy.
Mahambet Dosmuhambetov 1960 jyly 25 jeltoqsanda Atyraý oblysynda dúniege kelgen. 1983 jyly I.M. Gýbkin atyndaǵy Máskeý munai-himiia jáne gaz ónerkásibi institýtyn «Geologiia jáne munai -gaz ken oryndaryn barlaý» mamandyǵy boiynsha bitirgen, 2016 jyly - Qazaq memlekettik zań ýniversiteti, iskeri ákimshilik etý magistri bolǵan.
Eńbek jolyn 1983 jyly «Embimunai» birlestiginiń Balyqshy barlaý burǵylaý basqarmasynyń geology retinde bastaǵan.
Túrli jyldary «Mańǵystaýmunaigaz» AQ-da bas geolog, geologiia jáne geofizika boiynsha bas direktordyń orynbasary, geologiia jáne óńdeý boiynsha bas direktordyń orynbasary, bas direktordyń birinshi orynbasary - basqarma múshesi bolǵan.
Sońǵy jyldary «Embimunaigaz» AQ bas direktory (basqarma tóraǵasy), «QazMunaiGaz» UK AQ geologiia boiynsha basqarýshy direktory - bas geolog, iri jobalar boiynsha basqarma tóraǵasynyń orynbasary jáne iri operatsiialyq emes aktivter jáne teńiz jobalary boiynsha bas vitse-prezidenti laýazymdaryn atqarǵan.
2016 jyldan beri QR birinshi energetika vitse-ministri boldy.
«Qazaqstan Respýblikasynyń táýelsizdigine 10 jyl» (2001) medalimen, alǵys hattarmen, qurmet gramotalarymen, tósbelgilermen marapattalǵan.
