Atyraý oblysyna tapshy dári-dármektiń taǵy 470 túrli jetkizildi, dep habarlaidy "Ult aqparat".
Óńirlik kommýnikatsiialar qyzmetiniń aqparatyna súiensek, búgin, 12 shildede preparattar toptamasy Almatydan jetkizildi.
«Meditsinalyq preparattardyń 470 túri Almatydan ákelindi. Erteńnen bastap Atyraý qalasyndaǵy dárihanalarǵa taratylady. Al, aýdandarǵa sársenbi men juma aralyǵynda jetkiziledi. Jumada Almatydan Atyraýǵa taǵy dári-dármek keledi. Onda koronavirýstan emdeýge arnalǵan meditsinalyq preparattar bolady», - deidi farmatsevtikalyq kompaniianyń direktory Svetlana Lipatova.
Eske sala ketelik, Atyraý oblysyna dári-dármektiń 430 túri shuǵyl jetkizilgenin habarlaǵan edik.
Memleket basshysy Qasym-Jomart Toqaev Atyraý oblysyndaǵy ahýal týraly qoǵam ókilderiniń shaǵymdarymen tanysqanyn, óńirge dárigerler men dári-dármek jiberiletinin málim etken edi.
Qazir Atyraý óńiri koronavirýsqa shaldyqqan naýqastar sany boiynsha elimizde aldyńǵy orynda tur.
