Atyraý oblysy ákiminiń qos orynbasary - Serik Aidarbekov pen Nariman Taýshov jumystan qysqartyldy, - dep habarlaidy "Ult aqparat" oblys ákiminiń baspasóz qyzmetine silteme jasap.
"Memleket basshysynyń 2022 jylǵy 16 naýryzdaǵy Joldaýynda aitylǵan oblystar men respýblikalyq mańyzy bar qalalar ákimderi apparattaryndaǵy memlekettik qyzmetshilerdiń sanyn ońtailandyrý maqsatynda Atyraý oblysy ákimi orynbasarlarynyń shekti sany eki shtattyq laýazymǵa qysqartyldy.
Osyǵan bailanysty oblys ákiminiń eki orynbasary - Serik Aidarbekov pen Nariman Taýshovtyń laýazymdary qysqartyldy", - delingen habarlamada.
Aita keteiik, Serik Aidarbekov 2020 jyldyń qazanynan beri Atyraý oblysy ákiminiń birinshi orynbasary qyzmetin atqarǵan. Bul qyzmetke deiin ol úsh jyl Májilis apparatyn basqarǵan.
Nariman Taýshov 2021 jyldyń naýryzynan bastap oblys ákiminiń orynbasary qyzmetin atqarǵan. Ol buǵan deiin Atyraý oblysy boiynsha tekserý komissiiasynyń tóraǵasy qyzmetin atqarǵan. Aýǵan soǵysynyń ardageri.
