Atyraý munai óńdeý zaýytynyń qondyrǵysynan tútin shyqty, dep habarlaidy "Ult aqparat".
Oblystyq ekologiia departamenti baspasóz qyzmetiniń málimetine súiensek, 16 tamyzda áleýmettik jelisinde «AMÓZ» JShS zaýytynan shyqqan tútinniń fotosy taraǵan. Osyǵan bailanysty departament mamandary «AMÓZ» JShS men «Kazgidromet» RMK Atyraý oblysy boiynsha filialynan «Airkz» júktemesiniń aqparatyn suratqan.
«Departamentke joldanǵan «AMÓZ» JShS-niń aqparatyna sáikes, zaýyttaǵy úlken qubyrdan shyqqan tútin – katalitikalyq kreking qondyrǵysynda azot oksidterin ketirýge arnalǵan keshendi blok. Bul qondyrǵy joǵary oktandy benzinge arnalǵan komponentti shyǵarady. Katalitikalyq krekingtiń janý ónimderi ártúrli tehnologiialyq qondyrǵylardan bólinetin gazdardyń jylýyn paidalanatyn qazanda salqyndatylǵannan keiin «tútini bar qubyr» (Skrýbber) júiesine enedi. Ozon (O3) totyǵý men sýmen janasqanda óte jaqsy eritin ónimge ainalý úshin osy tútin gazdaryna aldyn ala beriledi. Sodan keiin skrýbberde gazdar kúkirt oksidterinen (SO2, SO3) tolyǵymen tazalanyp, tazartýdyń birneshe satysynan ótedi. Munyń nátijesinde lastaýshy zattary bar aerozoldi qospa (katalizator shańy jáne erigen sýlfidter, sýlfattar, kúkirt oksidin alý nátijesinde paida bolatyn nitritter) túziledi. Munyń bári skrýbber qondyrǵysynan shyǵarylady. Iaǵni, tamshylatyp sýarý júiesi arqyly qarapaiym sý býy bolyp shyǵarylǵandyqtan, atmosferaǵa jáne tirshilik ielerine eshqandai qaýip tóndirmeidi», - dep habarlady departamenttiń baspasóz qyzmeti.
«Kazgidromet» RMK Atyraý oblysy boiynsha filialynyń aqparatyna qaraǵanda, munai óńdeý zaýytynan tútin shyqqan kezde atmosferada ziiandy qaldyqtardyń ruqsat etilgen shekti shamadan asýy tirkelmegen.
