Atyraý munai óńdeý zaýytynyń biologiialyq tazartý qurylǵysynan aqaý shyqty, dep habarlaidy "Ult aqparat".
«1 qarashada biologiialyq tazartý qurylǵysynyń jumys rejiminde aqaý oryn aldy. Bul biologiialyq shlamnyń normativtik tazartylǵan aǵyndar arnasyna az ýaqytqa ótip ketýine sebep boldy. Qazirgi ýaqytta tehnologiialyq rejimdi qalypqa keltirý júrgizilip jatyr. Osy jaǵdaidy tergeý boiynsha arnaiy komissiia quryldy», dep habarlady Atyraý munai óńdeý zaýytynyń baspasóz qyzmeti.
Atyraý munai óńdeý zaýyty 2019 jyly sarqyndy sýlardy tazartý sapasyn jaqsartý maqsatynd tazartý qurylystaryn qaita jańartý jobalaý jumystaryn bastady. Qazir alańdardy daiyndaý jáne jabdyqtar satyp alý júrgizilýde. Jobany 2022 jyly aiaqtaý josparlanyp otyr.
