Atyraý munai óńdeý zaýytynyń biologiialyq tazartý qurylǵylaryndaǵy aqaýdyń sebebi belgili boldy, dep habarlaidy "Ult aqparat".
«AMÓZ» JShS ekologiia bóliminiń mamandarynyń málimetinshe, 1 qarashada saǵat 16.00-de elektr energiiasyn berý jumystarynyń aqaýy sebebinen aǵyndy sýlardy biologiialyq tazartý blogy tundyrǵyshynyń shlamyn retsirkýliatsiialaý sorǵysy toqtatylǵan.
«Osyǵan bailanysty tundyrǵyshtyń qum súzgisine shyǵý núktesinde qalqyma jáne organikalyq zattar (bioshlam) kontsentratsiiasynyń artýy oryn aldy. Osy ýaqytta qum súzgi blogynda jóndeý jumystary júrgizildi. Bul blok tehnologiialyq sulbasynan ýaqytsha ajyratyldy. Osynyń saldarynan zaýyttyń biologiialyq tazartý qurylǵylarynan ólshengen jáne organikalyq zattary bar sarqyndy sý normativtik-tazartylǵan sarqyndy sýlar arnasyna aǵyzyldy», -dep habarlady onlain-konferentsiiada kásiporynnyń mamandary.
Biologiialyq tazartý qurylǵylaryndaǵy aqaý 1 qarashada saǵat 23.00-de qalpyna keltirilgen. Sondai-aq, normativti tazartylǵan aǵyndy sýlardyń arnasynda bioshlamnyń býlaný óristerine odan ári enýine jol bermeitin tosqaýyldar ornatylǵan.
Bioshlam kanaldan vakýýmdyq mashinalarmen sorylyp, zaýytqa keri qaitarylady.
Qazir AMÓZ-de elektr energiiasyn jetkizý kezinde oryn alǵan aqaýdyń sebepteri men mán-jaiyn tekserý jónindegi komissiia qurylǵan.
