Atyraý qalasynyń mańynda balyq qyryldy, dep habarlaidy QazAqparat.
Balyq qyrylǵany týraly áleýmettik jelide video tarady.
Osyǵan bailanysty Atyraý oblystyq balyq sharýashylyǵy basqarmasynyń basshysy Artýr Sádibekuly túsinik berdi.
«Video biyl túsirilgen. Biraq, qyrylǵan balyq dabyl qaǵatyndai kóp emes. Naqty sany qosymsha habarlanady. Bul jaǵdai Atyraý qalasynyń mańyndaǵy Qaiyrshaqty aýyldyq okrýgine qarasty «Bezymiannyi» sý aidynynda bolǵan», - deidi basqarma basshysy Artýr Sádibekuly.
Óńirlik kommýnikatsiialar qyzmetiniń aqparatyna súiensek, balyqtyń qyrylýyna bailanysty arnaiy komissiia qurylǵan.
Onyń quramynda oblys ákiminiń orynbasary Qairat Nurlybaev, oblystyq balyq sharýashylyǵy basqarmasynyń basshysy Artýr Sádibekuly, orman sharýashylyǵy jáne janýarlar dúniesi aýmaqtyq inspektsiiasynyń ókilderi bar.
Máseleniń mán-jaiy tekserilip jatyr.
