Atyraý qalasynyń aýmaǵyna 2 eldi meken qosylady. Bul týraly Atyraý qalasynyń ákimdigi Facebook paraqshasynda jazdy, dep habarlaidy "Ult aqparat".
«Almaly jáne Bereke aýyldyq okrýgteriniń qosylýy nátijesinde oblys ortalyǵynyń aýmaǵy 7,145 gektarǵa ulǵaiady», - delingen habarlamada.
Qalalyq jer qatynastary bóliminiń basshysy Naýryzbek Qumarovtyń aitýynsha, qazirgi kezde joǵaryda atalǵan eki aýyldyq okrýgte 8 myńǵa jýyq adam turady.
«Buǵan deiin Atyraý oblysy ákimdiginiń 2016 jylǵy 15 naýryzdaǵy № 44 qaýlysymen Geolog aýyldyq okrýgin qalaǵa qosý týraly qaýly shyqqan bolatyn. Mahambet aýdanyna qarasty eldi mekenderdiń oblys ortalyǵyna qosylýyna bailanysty qala aýmaǵy 45 871 gektardy quraidy», - dedi Naýryzbek Qumarov.
