اتىراۋ قالاسىنىڭ اۋماعىنا 2 ەلدٸ مەكەن قوسىلادى. بۇل تۋرالى اتىراۋ قالاسىنىڭ ەكٸمدٸگٸ Facebook پاراقشاسىندا جازدى, دەپ حابارلايدى "ۇلت اقپارات".
«المالى جەنە بەرەكە اۋىلدىق وكرۋگتەرٸنٸڭ قوسىلۋى نەتيجەسٸندە وبلىس ورتالىعىنىڭ اۋماعى 7,145 گەكتارعا ۇلعايادى», - دەلٸنگەن حابارلامادا.
قالالىق جەر قاتىناستارى بٶلٸمٸنٸڭ باسشىسى ناۋرىزبەك قۇماروۆتىڭ ايتۋىنشا, قازٸرگٸ كەزدە جوعارىدا اتالعان ەكٸ اۋىلدىق وكرۋگتە 8 مىڭعا جۋىق ادام تۇرادى.
«بۇعان دەيٸن اتىراۋ وبلىسى ەكٸمدٸگٸنٸڭ 2016 جىلعى 15 ناۋرىزداعى № 44 قاۋلىسىمەن گەولوگ اۋىلدىق وكرۋگٸن قالاعا قوسۋ تۋرالى قاۋلى شىققان بولاتىن. ماحامبەت اۋدانىنا قاراستى ەلدٸ مەكەندەردٸڭ وبلىس ورتالىعىنا قوسىلۋىنا بايلانىستى قالا اۋماعى 45 871 گەكتاردى قۇرايدى», - دەدٸ ناۋرىزبەك قۇماروۆ.
