Atyraý aýrýhanasynda júkti áiel qaitys bolǵan. Júktiliktiń 17-aptasyn ótkergen áiel túsik tastaǵan, dep habarlaidy QazAqparat.
Bul týraly jergilikti qoǵam belsendisi Nurlan Jýnasov áleýmettik jelidegi paraqshasynda jazba qaldyrdy.
«Myna adamnyń áieli qaitys boldy. Kúieýi balasynyń 10 kúnnen beri máiithanada jatqanyn nege búgin bilgen? Aryzy osy kezge deiin nege qabyldanbaidy?» -dep jazdy Facebook-tegi paraqshasynda.
Kúieýiniń aitýynsha, júkti áieli aýrýhanaǵa túsken. Alaida, ony bir kúnnen soń shyǵaryp jibergen.
«Áielim úige kelgen soń jaǵdaiy nasharlap, qan qusty. Aýrýhanaǵa jatqannan keiin kóz jumdy», deidi kúieýi.
Al 17 aptalyq shaqalaqtyń máiiti on kúnnen beri máiithanada jatqan. Shaqalaqtyń qaitys bolǵany týraly áieldiń kúieýine de, týystaryna da eshkim habarlamaǵan.
Bul jóninde áieldiń týystary qaitys bolǵany jóninde anyqtama alýǵa kelgende bilgen. Qaitys bolǵan áiel úsh jyl buryn kúieýge shyqqan. Onyń artynda kámeletke tolmaǵan eki balasy qalǵan.
Ázirge osy derekke bailanysty oblystyq densaýlyq saqtaý basqarmasynyń baspasóz qyzmeti túsinik bergen joq.
