Búgin Ysqaq Egemberdiev «Atyraý-Aqparat» mediaholdingine direktor bolyp taǵaiyndaldy, dep habarlaidy "Ult aqparat".
«Atyraý-aqparat» ujymyna jańa basshyny Atyraý oblysy ákiminiń orynbasary Baqytgúl Hamenova tanystyryp, qyzmetine sáttilik tiledi.
Ysqaq Egemberdiev 1983 jyly dúniege kelgen. Bilimi – joǵary.
2000-2004 jyldary ál-Farabi atyndaǵy Qazaq ulttyq ýniversitetiniń Jýrnalistika fakýltetin bitirgen. Budan soń osy oqý ornynda jýrnalistika magistri biliktiligi men akademiialyq dárejesin alǵan.
Eńbek jolyn 2000 jyly Qaraǵandy oblysy Jezqazǵan qalasynyń «Saryarqa», «Mysty óńir» gazetterinde tilshi bolyp bastady.
2003-2004 j.j. «Qazaq ýniversiteti», «Jas Alash» gazetteriniń tilshisi qyzmetterin atqarǵan. 2005-2019 jyldary aralyǵynda «Habar» agenttiginde stsenarist, redaktor, shef-redaktor, prodiýser, joba jetekshisi boldy.
2019 sáýirinen bastap «Atyraý-Aqparat» JShS direktorynyń orynbasary qyzmetin atqardy.
Qazirgi ýaqytta «Atyraý–Aqparat» mediaholdingi 2 oblystyq, 7 aýdandyq gazetterdi, 11 saitty jáne úlken baspahanany biriktirip otyrǵan úlken qurylym. Bul holdingte dástúrli jýrnalistikamen birge, internet media damyp keledi.
