Búgin «Atyraý-aqparat» mediaholdinginiń jańa direktory bolyp Álibek Tatanov taǵaiyndaldy, dep habarlaidy "Ult aqparat".
«Atyraý-aqparat» ujymyna jańa direktordy oblystyq Ishki saiasat basqarmasynyń basshysy Jasulan Bisenbiev tanystyrdy.
Álibek Jartaiuly eńbek jolyn 1978 jyly Aqtóbe oblysynyń Taldyq aýylynda mehanizator bolyp bastaǵan. 1983-1985 jyldary Sovet áskeri qyzmetinde bolyp, «Keńes áskeri» gazetiniń Ortalyq ásker toby boiynsha Chehoslovakiiadaǵy menshikti tilshisi qyzmetin atqarǵan. 1986-1990 jyldary Aqtóbe oblystyq telearnasynyń aǵa redaktory, SSSR Ortalyq televideniesiniń televiziialyq materialdardy daiyndaý boiynsha aimaqtyq ókili. 1990-1995 jyldary Aqtóbe oblystyq SMK komitetiniń tóraǵasy, «Kazkommertsbank» AF keńesiniń tóraǵasy, «Urpaq úni – Vestnik molodeji» oblystyq jastar gazetiniń redaktsiia alqasy tóraǵasy bolǵan.
1986-1991 jyldary halyq depýtattary keńesiniń Aqtóbe oblysy boiynsha Atqarý komitetiniń telearna jáne radiohabarlaryn taratý qyzmetiniń redaktory. 1991-1996 jyldary Qazaqstan Jastar Birlestigi Aqtóbe oblystyq komitetiniń birinshi hatshysy, «Birlik» jastar kontserniniń prezidenti. 1996-1997 jyldary Qazaqstan Jastar Birlestigi Ortalyq komitetiniń birinshi hatshysynyń orynbasary, 1997-2001 jyldary Qazaqstan Respýblikasy Jastar uiymdary ulttyq keńesiniń hatshysy, 2001-2002 jyldary «Atyraý-Aqparat» mediaholdinginiń tóraǵasy, 2003-2006 jyldary «Elitstroi» JShS Atyraý filialynyń direktory qyzmetterin atqarǵan.
2006-2008 jyldary «Qazaqstan» RTRK» AQ Jambyl oblystyq filialynyń, 2008-2009 jyldary «Qazaqstan» RTRK» AQ Soltústik Qazaqstan oblystyq filialynyń direktory, Astana qalasyndaǵy «Mir» memleketaralyq teleradiokompaniiasynyń Astana filialynyń jetekshisi boldy. 2010-2013 jyldary «Qazaqstan» RTRK» AQ Atyraý oblystyq filialynyń direktory qyzmetin atqardy. 2013-2017jyldary «Qazaqstan» RTRK» AQ Qostanai oblystyq filialynyń, 2017 jyldyń 29 naýryzynan «Qazaqstan» RTRK» AQ Aqmola oblystyq filialynyń direktory.
