Atyraý ákimi qol astynda jumys istegenderdiń sybailas jemqorlyqpen ainalysqandary úshin turǵyndardan keshirim surady, - dep habarlaidy "Ult aqparat" Atyraý ákimdiginiń Facebook jelisindegi paraqshasyna silteme jasap.
"Oraiy kelgende aita ketý kerek, sońǵy kezderde BAQ men áleýmettik jelilerde eki birdei kommýnaldyq qyzmet kórsetý mekemeleri basshylary men qalalyq TÚKSh bólim basshysynyń orynbasary qamaýǵa alynǵandyǵy týraly aqparat qyzý talqyǵa túsýde. Qazir bul azamattardyń barlyǵy qamaýǵa alynyp, sot protsesin kútýde. Olardyń kinálilik deńgeiin sot anyqtaidy.
Aita ketý kerek, kommýnaldyq qyzmet qórsetý salasyndaǵy basshylyq qyzmette bolǵan bul azamattardyń jaýapkershilikke tartylýy meni qatty qynjyltty. Qala basshysy retinde men bul jaǵdailardyń oryn alǵany úshin turǵyndardan keshirim suraimyn! Biz óz qatarlarymyzda jemqorlyqpen kúresti údetip, abyroiymyzdy nuqsan keltiretin áreketterge jol bermeý úshin barymyzdy salatyn bolamyz!", - dep keltirdi baspasóz qyzmeti áleýmettik jelide ákim Serik Shapkenovtiń sózin.
Sonymen qatar, ol búginde qalada ortalyqtyrylǵan jylytý júiesimen jabdyqtalǵan 977 kópqabatty turǵyn úidiń bar ekenin aitty. Avtonomdy rejimde Balyqshy jáne Nursaia móltek aýdandardy ǵana jylytylady. Biylǵy jylytý naýqanynda atap aitarlyqtai iri apat oryn alǵan joq. Jalpy kishigirim oryn alǵan apattardy PIK-i jóndeý jumystaryn ýaqytyly júrgizip otyrdy.
Sońǵy qúnderi qardyń qalyń túsýine bailanysty qala boiynsha 28 jýyq arnaiy tehnika kúni-túni tynbastan qalanyń kóshelerin aq ulpadan tazartý jumystaryna jumyldyryldy. Eger tazalaý jumystaryna qatysty usynystaryńyz, nazarlyqtaryńyz bolsa Telegram messendjerindegi "Akimat Atyraýskoi oblasti" chaty arqyly joldaýyńyzǵa bolady. Buǵan qosa smartfondaryńyzben "Atyraý Tsifrlyq Qabyldaý" qosymshasy arqyly da bailanysqa shyǵýyńyzǵa tolyq múmkindik bar.
