Aty ańyzǵa aiynalǵan braziliialyq fýtbolshy Pele seisenbi kúni tańerteń aýrýhanaǵa tústi, - dep habarlaidy O Dia basylymy.
Braziliialyq BAQ málimetinshe, 80 jastaǵy sportshy esinen tanyp qalǵan. Densaýlyǵynyń nasharlaý sebepterin anyqtaý úshin Pele San-Paýlýdaǵy Albert Einshtein atyndaǵy aýrýhananyń qarqyndy terapiia bólimine jatqyzylǵan.
Keiinirek Peleniń ózi Twitter-de talmaǵanyn jáne ózin jaqsy sezinetinin jazdy. Ol koronavirýs pandemiiasyna bailanysty buryn bara almaǵan josparly tekserýden ótip jatqanyn atap ótti. Ol tipti kelesi jeksenbide alańǵa shyǵatynyn aityp qaljyńdady.
Pele (Edson Arantis dý Nasimentý) Braziliia quramasynmen úsh ret álem chempionatynda jeńiske jetken. Ol Halyqaralyq fýtbol federatsiiasynyń (FIFA) nusqasy boiynsha "júz jyldyqtyń oiynshysy" atandy.
