Soǵys ardageri Altynai Esbolatova 99 jasynda ómirden ozdy, dep habarlaidy "Ult aqparat".
Ardager ananyń qaitys bolǵany týraly aqparatty Taldyqorǵan qalalyq ákimdigi rastady.
«Otbasy men jaqyndaryna qaiǵyryp kóńil aitamyz. Esimizde máńgi saqatalady», - dep habarlady ákimdikten.
Altynai Esbolatova sońǵy birneshe jylda Almaty oblysyndaǵy Ekinshi Dúniejúzilik soǵysqa qatysqan jalǵyz áiel ardager boldy.
Altynai Esbolatova 1921 jyly Almaty oblysynyń Aqsý aýdanynda dúniege kelgen.
Altynai Jainaqqyzy nebári 18 jasqa tolar-tolmas shaǵynda soǵysqa attanǵan. Qarý ustap, urys alańynda júrmese de, parovoz júrgizýshileri strategiialyq mańyzy bar tapsyrmalar oryndady. Sondyqtan, olar maidandaǵy jaýyngerlermen teń sanaldy. Qarshadai qyz parovozdyń ottyǵyna kúnde tonnalap kómir laqtyrdy. Eshelonnyń belgilegen jerge jetýine aianbai ter tókti. Altynai apa tizgindegen otarba Stalingrad shaiqasyna qarý-jaraq pen sarbazdardy jetkizip otyrdy. Keiin sol Stalingradtan fashist tutqyndaryn Máskeýge tasydy.
9 mamyrdy Altynai apa Frankfýrtte qarsy alyp, úiine, Almaty oblysyna 1946 jyly ǵana oralǵan. Onda ol temirjolda jumys isteýdi jalǵastyrdy.
Erligi men batyldyǵy úshin Altynai Esbolatova biraz marapattarǵa ie boldy, onyń ishinde I dárejeli Otan soǵysy ordeni, «Stalingradty qorǵaǵany úshin», «Qyrymdy azat etkeni úshin», «Germaniiany jeńgeni úshin» medaldarymen marapatalǵan.
