سوعىس ارداگەرٸ التىناي ەسبولاتوۆا 99 جاسىندا ٶمٸردەن وزدى, دەپ حابارلايدى "ۇلت اقپارات".
ارداگەر انانىڭ قايتىس بولعانى تۋرالى اقپاراتتى تالدىقورعان قالالىق ەكٸمدٸگٸ راستادى.
«وتباسى مەن جاقىندارىنا قايعىرىپ كٶڭٸل ايتامىز. ەسٸمٸزدە مەڭگٸ ساقاتالادى», - دەپ حابارلادى ەكٸمدٸكتەن.
التىناي ەسبولاتوۆا سوڭعى بٸرنەشە جىلدا الماتى وبلىسىنداعى ەكٸنشٸ دٷنيەجٷزٸلٸك سوعىسقا قاتىسقان جالعىز ەيەل ارداگەر بولدى.
التىناي ەسبولاتوۆا 1921 جىلى الماتى وبلىسىنىڭ اقسۋ اۋدانىندا دٷنيەگە كەلگەن.
التىناي جايناققىزى نەبەرٸ 18 جاسقا تولار-تولماس شاعىندا سوعىسقا اتتانعان. قارۋ ۇستاپ, ۇرىس الاڭىندا جٷرمەسە دە, پاروۆوز جٷرگٸزۋشٸلەرٸ ستراتەگييالىق ماڭىزى بار تاپسىرمالار ورىندادى. سوندىقتان, ولار مايدانداعى جاۋىنگەرلەرمەن تەڭ سانالدى. قارشاداي قىز پاروۆوزدىڭ وتتىعىنا كٷندە توننالاپ كٶمٸر لاقتىردى. ەشەلوننىڭ بەلگٸلەگەن جەرگە جەتۋٸنە ايانباي تەر تٶكتٸ. التىناي اپا تٸزگٸندەگەن وتاربا ستالينگراد شايقاسىنا قارۋ-جاراق پەن ساربازداردى جەتكٸزٸپ وتىردى. كەيٸن سول ستالينگرادتان فاشيست تۇتقىندارىن مەسكەۋگە تاسىدى.
9 مامىردى التىناي اپا فرانكفۋرتتە قارسى الىپ, ٷيٸنە, الماتى وبلىسىنا 1946 جىلى عانا ورالعان. وندا ول تەمٸرجولدا جۇمىس ٸستەۋدٸ جالعاستىردى.
ەرلٸگٸ مەن باتىلدىعى ٷشٸن التىناي ەسبولاتوۆا بٸراز ماراپاتتارعا يە بولدى, ونىڭ ٸشٸندە ٸ دەرەجەلٸ وتان سوعىسى وردەنٸ, «ستالينگرادتى قورعاعانى ٷشٸن», «قىرىمدى ازات ەتكەنٸ ٷشٸن», «گەرمانييانى جەڭگەنٸ ٷشٸن» مەدالدارىمەن ماراپاتالعان.
