Búgin Halyqaralyq Túrki akademiiasy Majarstan jáne Qazaqstan Syrtqy ister ministrleriniń qatysýymen aty ańyzǵa ainalǵan ǵun ámirshisi Attila týraly «The Lord of Europe Attila» (Eýropa ámirshisi Atilla) atty ǵylymi eńbekti tanystyrdy.
Akademiianyń qoldaýymen aǵylshyn tilinde jaryq kórip otyrǵan atalǵan eńbektiń avtory – kórnekti ǵalym, ǵun tarihynyń bilikti mamany, Majarstannyń Mońǵoliiadaǵy Tótenshe jáne ókiletti elshisi Borbala Obrýshanski.
Ǵylymi eńbek tyń derekterimen jáne arǵy ǵun zamandarynan orta ǵasyrdaǵy túrki dáýirine deiingi dástúr sabaqtastyǵyn jańa kózqaras turǵysynan saralaǵanymen erekshelenedi.
Halyqaralyq Túrki akademiiasynda ótken jańa basylymnyń tusaýkeser rásimine Majarstannyń Syrtqy saýda jáne syrtqy ister ministri Peter Siiiarto, Qazaqstan Respýblikasy Premer-Ministriniń orynbasary – Syrtqy ister ministri Muhtar Tileýberdi, Halyqaralyq Túrki akademiiasynyń prezidenti Darhan Qydyráli, Majarstannyń Qazaqstan Respýblikasyndaǵy Tótenshe jáne ókiletti elshisi Mihai Galoshfai, sonymen qatar Majarstan delegatsiiasy, memleket jáne qoǵam qairatkerleri qatysty.
