© Sputnik / Bolat Shaihinov
Oqý-aǵartý ministri Ashat Aimaǵambetov bilim salasyndaǵy qandai qyzmetter tsifrlandyrylatynyn aitty, dep habarlaidy "Ult aqparat" Sputnik Qazaqstan agenttigine silteme jasap.
Ministr sózinshe, ár muǵalimniń tsifrlyq portfoliosy paida bolady. Sáikesinshe pedagogtiń attestatsiiasy, jumysqa qabyldaý rásimi, konkýrstarǵa qatysýy, jetistikteri jáne barlyq aqparaty sol júiege júktelip, elektrondy formatta ótedi.
"Mektepterde oqýlyqtardy tańdaý men monitoringteý tsifrlyq formatqa kóshiriledi. Attestattar men diplomdar QR-kodpen tsifrlyq formatta beriledi. Ár oqýshynyń da tsifrlyq profili eńgiziledi, onda oqýshynyń balabaqshadan bastap mektep, álde kolledj bitirgenge deiingi akademiialyq, áleýmettik jetistikteri, baǵalary, quzyretter kartasy, biz sózben aitqanda tsiflyq izi qalyptastyrylady", - dedi Aimaǵambetov Úkimet otyrysynda.
Tsifrlandyrý mektepke deiingi bilimdi de qamtidy. Ministr búgingi tańda balabaqshalarǵa kezek tsifrlyq formatqa kóshirilgenin atap ótti. Desek te áli de úlken másele bar.
"Kezekke qoiý boiynsha oblystarda 44 aqparattyq júie paidalanylady, birizdilik joq, táýekelder bar. Osy máseleni sheshý maqsatynda ortalyqtandyrylǵan balabaqshalarǵa biryńǵai kezek engiziledi. Bul balabaqshaǵa kezekke turýdy, berilgen joldamany baqylaýǵa, oryndardy bólý kezinde táýekelderdi boldyrmaýǵa múmkindik beredi", - dedi vedomstvo basshysy.
Aimaǵambetov eń qajetti qyzmetter tolyǵymen eGov pen iri bankterdiń mobildi qosymshalarynda qoljetimdi bolatynyn aitty.
