Atom salasynda bilikti kadrlardy daiarlaý aiasynda 2010 jyldan bastap qazirgi ýaqytqa deiin Qazaqstannyń joǵary oqý oryndarynda 2193 bakalavr, 909 magistr jáne 135 doktor daiyndaldy, dep habarlaidy "Ult aqparat" Energetika ministrliginiń baspasóz qyzmetine silteme jasap.
«Birikken iadrolyq zertteýler institýty» halyqaralyq uiymymen yntymaqtastyq sheńberinde 2010 jyldan bastap 2019 jylǵa deiin atom salasynyń mamandyqtary boiynsha 134 bakalavriat pen magistrant oqýdan ótti.
2018 jyldan bastap L.N. Gýmilev atyndaǵy Eýraziia ulttyq ýniversiteti jáne Birikken iadrolyq zertteýler institýty arasynda iadrolyq fizika jáne jańa materialdar salasyndaǵy PhD doktoranttaryn birlesip daiarlaý bastaldy.
«QR Ulttyq iadrolyq ortalyǵy» RMK bazasynda jyl saiyn iadrolyq jáne tehnikalyq fizika, sondai-aq materialtaný salasynda 120-dan astam stýdent úshin praktika uiymdastyrylady.
Atom salasynda kadrlar daiarlaýdy kózdeitin memorandýmdar Japoniianyń Ekonomika, saýda jáne ónerkásip ministrligimen (2014 jyl), Belarýs Respýblikasynyń Energetika ministrligimen (2018 jyl) jáne «Rosatom» atom energiiasy jónindegi memlekettik korporatsiiasymen jasalǵan bolatyn.
Qazirgi ýaqytta QR Energetika ministrligi Majarstannyń Innovatsiialar jáne tehnologiialar ministrligimen atom salasynda qazaqstandyq kadrlardy daiarlaý jáne oqytý boiynsha memorandým jasasý máselesin pysyqtaýda.
Memorandýmǵa sáikes taraptar birlesken bilim berý baǵdarlamalaryn uiymdastyrýdy, bakalavriat, magistratýra, aspirantýra baǵdarlamalary boiynsha bilim alýshylarmen jáne oqytýshylarmen almasýdy, oqý jáne ǵylymi ádebietti ázirleýdi, qysqa merzimdi taǵylymdamalar men seminarlardy uiymdastyrýdy qosa alǵanda, atom salasy úshin kadrlar daiarlaý salasynda yntymaqtastyqty júzege asyrýǵa niet bildiredi.
Qazaqstannyń atom energetikasynda mol tájiribesi bar ekenin atap ótken jón. Aqtaý qalasynda 1973-1999 jyldary jyldam neitrondardaǵy álemdegi alǵashqy ónerkásiptik BN-350 reaktor sátti qoldanyldy.
Qazirgi ýaqytta 3 zertteý reaktory sátti paidalanylýda – IGR jáne JTGSZ.1M QR «Ulttyq iadrolyq ortalyǵynda» (Kýrchatov q.), VVR-K iadrolyq fizika institýtynda (Almaty q.).
Iadrolyq jáne radiatsiialyq qaýipsizdik turǵysynan zertteý reaktorlaryna energetikalyq reaktorlardan kem emes qatań talaptar qoiylady, olar kóptegen jyldar boiy oidaǵydai oryndalyp keledi, bul olardy qaýipsiz paidalanýdyń uzaq tarihymen rastalady.
