Búgin elordalyq «Astana» Portýgaliiada ótip jatqan halyqaralyq «Atlantic Cup» týrnirinde Daniianyń «Brondbiý» komandasymen kezdesti, dep habarlaidy "Ult aqparat".
Esterińizge sala ketelik, «Astana» A tobynda oinady. Alǵashqy týrda elordalyq klýb Daniianyń «Kopengagen» komandasynan 0:1 esebimen jeńilip qalǵan edi.
«Brondbiý» 1964 jyly qurylǵan. Sodan beri óz eliniń 10 márte chempiony atanyp úlgerdi. Atalmysh klýb eýrokýbok oiyndaryna turaqty qatysyp keledi.
Búgingi kezdesýde qos komanda bir-biriniń osal tusyn tabýǵa tyrysty. Degenmen kóp sátte kózdegen nysanadan múlt ketip jatty. Esepti 29-minýtta «Astana» oiynshysy Mrin Tomasov soqty. Budan keiin daniialyqtar tarazy basyn teńestirýge umtylǵan edi. Olar bul múmkindikke 45-minýtta qol jetkizdi. Ony «Brondbiý» sapynan Mihael Ýhre oryndady.
Ekinshi kezeńde de «Astana» taǵy da shabýyl shebinde jii boi kórsetti. Osyndai sátterdiń birinde 56-minýtta Marin Tomasov taǵy da mergendik tanytty. Oiynda «Astana» qarsylasynan 2:1 esebimen utty.
Búgin A tobyndaǵy taǵy bir kezdesýde Shvetsiianyń «Norrcheping» klýby Daniianyń «Kopengagen» komandasynan penaltiden 1:0 esebimen basym tústi.
