بٷگٸن ەلوردالىق «استانا» پورتۋگالييادا ٶتٸپ جاتقان حالىقارالىق «Atlantic Cup» تۋرنيرٸندە دانييانىڭ «بروندبيۋ» كومانداسىمەن كەزدەستٸ, دەپ حابارلايدى "ۇلت اقپارات".
ەستەرٸڭٸزگە سالا كەتەلٸك, «استانا» ا توبىندا وينادى. العاشقى تۋردا ەلوردالىق كلۋب دانييانىڭ «كوپەنگاگەن» كومانداسىنان 0:1 ەسەبٸمەن جەڭٸلٸپ قالعان ەدٸ.
«بروندبيۋ» 1964 جىلى قۇرىلعان. سودان بەرٸ ٶز ەلٸنٸڭ 10 مەرتە چەمپيونى اتانىپ ٷلگەردٸ. اتالمىش كلۋب ەۋروكۋبوك ويىندارىنا تۇراقتى قاتىسىپ كەلەدٸ.
بٷگٸنگٸ كەزدەسۋدە قوس كوماندا بٸر-بٸرٸنٸڭ وسال تۇسىن تابۋعا تىرىستى. دەگەنمەن كٶپ سەتتە كٶزدەگەن نىسانادان مٷلت كەتٸپ جاتتى. ەسەپتٸ 29-مينۋتتا «استانا» ويىنشىسى مرين توماسوۆ سوقتى. بۇدان كەيٸن دانييالىقتار تارازى باسىن تەڭەستٸرۋگە ۇمتىلعان ەدٸ. ولار بۇل مٷمكٸندٸككە 45-مينۋتتا قول جەتكٸزدٸ. ونى «بروندبيۋ» ساپىنان ميحاەل ۋحرە ورىندادى.
ەكٸنشٸ كەزەڭدە دە «استانا» تاعى دا شابۋىل شەبٸندە جيٸ بوي كٶرسەتتٸ. وسىنداي سەتتەردٸڭ بٸرٸندە 56-مينۋتتا مارين توماسوۆ تاعى دا مەرگەندٸك تانىتتى. ويىندا «استانا» قارسىلاسىنان 2:1 ەسەبٸمەن ۇتتى.
بٷگٸن ا توبىنداعى تاعى بٸر كەزدەسۋدە شۆەتسييانىڭ «نوررچەپينگ» كلۋبى دانييانىڭ «كوپەنگاگەن» كومانداسىنان پەنالتيدەن 1:0 ەسەبٸمەن باسىم تٷستٸ.
