Biyldan bastap ataýly áleýmettik kómekti tóleý tártibi ózgerdi, – dep habarlaidy Sputnik Qazaqstan.
Eńbek jáne halyqty áleýmettik qorǵaý ministri Birjan Nurymbetovtyń aitýynsha, endi ataýly áleýmettik kómek toqsan saiyn tólenedi.
«Biz jańa jyldan bastap ótinishterdi qabyldap jatyrmyz. Qańtar aiynda adamdar qujattar men ótinishterin ótkizedi. Al aqpan aiynda alady» dedi Nurymbetov.
Onyń sózine qaraǵanda, ataýly áleýmettik kómekti taǵaiyndaý tártibi qaldy. Oǵan sáikes, otbasynyń árbir adamǵa shaqqandaǵy ortasha ailyq tabysy eń tómengi kúnkóris deńgeiiniń 70 protsentinen (21 828 - Sputnik Qazaqstan) aspaýy tiis. Al ataýly áleýmettik kómektiń mólsheri ózgerdi.
«Bul jerde januianyń jan basyna shaqqandaǵy tabysy eń tómengi kúnkóris deńgeiiniń 70 protsentinen tómen bolsa, ortasha tabys pen ólshemsharttyń arasyndaǵy aiyrmashylyq tólenedi» dep atap kórsetti ministr.
Budan bólek, otbasynda jumysqa qabiletti adam bolsa, oǵan jumys usynylady. Odan bas tartsa, barlyq januia músheleri ataýly áleýmettik kómekten aiyrylady.
«Bul jerde bir mańyzdy máseleni eskerý kerek, kez kelgen jumysty usynbaidy. Bizde jumyspen qamtý týraly zań boiynsha tártip belgilengen. Ol kisige laiyqty jumys usynylady. "Laiyqty" degenimiz, onyń óz mamandyǵy jáne qatynaý jaǵy eskeriledi. Ondai jumys bolmasa, basqa sharalar usynamyz» deidi Nurymbetov.
Aita keteiik, biyldan bastap ataýly áleýmettik kómekten bólek kópbalaly otbasylarǵa arnalǵan jańa járdemaqy engizildi. Onyń basty ereksheligi -járdemaqy tabysyna qaramastan tólenedi. Ol bala sanyna qarai ai saiyn beriledi.
«Biyl osy járdemaqyǵa respýblikalyq biýdjetten 177 milliard teńge qarastyrylǵan. Qańtar aiynda 367 myń kópbalaly januiaǵa osy járdemaqy taǵaiyndalyp, qazirgi kezde ol kisiler ózderiniń esepshottaryna járdemaqyny alyp jatyr» dep atap kórsetti ministr.
Jańa járdemaqyny tóleý tártibi:
4 balaǵa - 42 496 teńge;
5 balaǵa – 53 127 teńge;
6 balaǵa – 63 757 teńge;
7 jáne odan kóp balaǵa – 74 388 teńge.
